दिव्यांग विद्यार्थ्याला सुपरस्टार सिंगर बनवणारे शरणप्पा फुलारी गुरुजी
विद्यार्थ्यांमधील सुप्त गुणांना वाव देण्यासाठी दर वर्षी जिल्हा परिषद आणि पंचायत समितीच्या वतीने विद्यार्थी व्यक्तिमत्त्व विकास स्पर्धा घेतल्या जातात. कन्नड भाषेत वक्तृत्व,कथाकथन,बालनाट्य ,
समूहगीत गायन, लोकनृत्य आदी स्पर्धेत दर वर्षी शरणाप्पा फुलारी गुरुजी यांच्या मार्गदर्शना खाली केंद्र, बीट,तालुका आणि जिल्हा स्तरावर त्यांचे विद्यार्थी यश संपादन करतात . एवढचं नाही तर विद्यार्थी क्रीडा स्पर्धेत खो खो ,कबड्डी,धावणे, रीले इत्यादी मध्ये जिल्हा स्तरावर त्यांच्या विद्यार्थ्यांनी यश संपादन केले आहे. याशिवाय कर्मचारी क्रीडा स्पर्धेत खो,खो,क्रिकेट,व्हॉलीबॉल यासारख्या स्पर्धेत ही जिल्हास्तरीय अजिंक्य पद त्यांनी पटकावले असून यात फुलारी गुरुजी यांचा मोठा वाटा आहे. सध्या ते जिल्हा परिषद प्राथमिक मुलींची शाळा नागणसूर ता. अक्कलकोट येथे कार्यरत आहेत
सोलापूर जिल्ह्याचे तत्कालीन मुख्य कार्यकारी अधिकारी डॉ.राजेंद्र भारुड साहेब यांच्या संकल्पनेतून विद्यार्थी गुणवत्ता शोध (टॅलेंट हंट स्पर्धा ) सुरू झाल्या.या स्पर्धेत जिल्हा परिषदेच्या शाळेत शिकत असलेला एक दिव्यांग विद्यार्थी चमकला.कर्नाटक आणि महाराष्ट्र राज्याच्या सीमावर्ती वसलेल्या तोळणूर सारख्या एका छोट्याशा गावातून डोळ्यानं जन्मजात अंध असलेला दिव्यांग विद्यार्थी रेवणसिद्ध फुलारी .. हाताला मिळालेलं प्लास्टिक, घागर,बकेट,टोपली वाजवत संगीत वाद्य प्रकारात आपली कला दाखवत गेला. तबला वादन,हार्मोनियम वादन,कशियो, ड्रम,वाजवत संगीत क्षेत्रात त्यानं पाऊल ठेवत गायनाची प्रॅक्टिस सुरू केली . प्रत्येक वर्षी विविध स्पर्धेत गुरुजींच्या सहकार्यान तो यश मिळवत गेला. कर्नाटक राज्यातील नंबर वन सिंगिंग रियालिटी शो असलेल्या झी कन्नड वाहिनीवरील सारेगमप लिट्ल चॅम्प्स सीजन 19 च्या शो मध्ये सहभाग घेवून मेगा ऑडिशन मध्ये यश संपादन करून सहा महिने चाललेल्या या स्पर्धेत फायनल पर्यंत मजल मारून थर्ड रनर अप झालेला महाराष्ट्र राज्यातील पहिला दिव्यांग विद्यार्थी ठरला. असून त्याला संपूर्ण मार्गदर्शन शरणप्पा गुरुजी यांनी केलं आहे .
प्राथमिक शाळेत मुलं शिकत असताना त्यांच्यामध्ये असलेले वेगवेगळे गुण हेरून त्यांच्या गुणांना चालना देणं हे खरंतर शिक्षकांचं काम असतं. ते काम अगदी प्रामाणिकपणे फुलारी गुरुजींनी केलेलं इथं दिसून येतं.
यासोबतच आजपर्यंत त्यांनी जिल्ह्यातील विविध शाळांमध्ये खूप उत्कृष्टपणे काम केलेलं आहे. यामध्ये जिल्हा परिषद प्राथमिक कन्नड मुली शाळा नागणसुर,तोळणुर,जकापुर, बबलाद आणि नागणसुर कन्नड मुली शाळा लोकसहभागातून शाळा समृद्ध करून डिजिटल स्मार्ट शाळा, ई लर्निंग टॅब शाळा सुरू करणारे जिल्ह्यातील एकमेव कन्नड शिक्षक. शिष्यवृत्तीसाठी त्यांचा खूप मोठं योगदान आहे.आतापर्यंत त्यांच्या 55 विद्यार्थ्यांची पूर्वमाध्यमिक व माध्यमिक शिष्यवृत्ती गुणवत्ता धारक विद्यार्थी म्हणून निवड झाली आहे . तर एका विद्यार्थ्यांची नवोदय विद्यालयासाठी निवड झाली आहे.
शैक्षणिक आणि सामाजिक क्षेत्रातील योगदानाबद्दल त्यांना आजपर्यंत अनेक पुरस्कारांनी गौरविण्यात आला आहे त्यामध्ये
तालुकास्तरीय आदर्श शिक्षक पुरस्कार
जिल्हास्तरीय आदर्श शिक्षक पुरस्कार
जिल्हास्तरीय शिष्यवृत्ती मार्गदर्शक पुरस्कार
राज्यस्तरीय नवोपक्रमशिल शिक्षक पुरस्कार
राष्ट्रीय नवोपक्रमशिल शिक्षक पुरस्कार
सर फाउंडेशन राष्ट्रीय नवोपक्रम शिल शिक्षक पुरस्कार
7 स्किल राष्ट्रीय पुरस्कार गुजरात
आतापर्यंत 24 वर्षाच्या शैक्षणिक कार्यात महत्वाचे जिल्हा,राज्य आणि राष्ट्रीय स्तरावरील 65 पुरस्कार त्यांना मिळाले आहेत.
No comments:
Post a Comment