27.विद्यार्थी हेच दैवत आणि काम हीच पूजा मानणाऱ्या शगुप्ता शेख

 जिल्हा परिषद प्राथमिक शाळा चंदननगर लांबोटी येथील शाळेत इ. १लीचा वर्ग स्वखर्चानं डिजिटल करत साहित्य निर्मितीतून विद्यार्थ्यांना लेखन वाचनाची आवड निर्माण करणाऱ्या आणि शासनामार्फत सुरू असलेल्या निपुण भारत अभियानांतर्गत निपुणोत्सव शैक्षणिक साहित्य निर्मितीत तालुक्यात उल्लेखनीय काम करणाऱ्या शगुप्ता लाल साहेब शेख.

       विद्यार्थ्यांच्या सर्वांगीण विकासाच्या दृष्टीनं विविध उपक्रम राबवणं आणि त्यांच्यामध्ये गुणवत्तापूर्ण बदल घडवून आणणं यासाठीच सर्व शिक्षक धडपडत असतात आणि हेच त्यांचं ध्येय असतं. शेख मॅडम यांनी आजपर्यंत अक्कलकोट तालुक्यातील जिल्हा परिषद शाळा भिमनगर, प्राथमिक शाळा मोहळ नंबर चार

या ठिकाणी उल्लेखनीय काम केले आहे . मोहोळ शहरांतील खाजगी शाळा आणि इंग्रजी शाळा यांच्याशी स्पर्धा करत त्यांनी काळाची गरज ओळखून सर्वप्रथम पहिलीपासून सेमी इंग्रजीचा वर्ग सुरू केला. आणि शाळेचा पट वाढण्यास सुरुवात झाली.नुसता पट वाढवून चालणार नाही तर विद्यार्थी शाळेत यावेत रमावेत आणि टिकावेत यासाठी विविध उपक्रम घेत हसत खेळत आनंददायी पद्धतीनं आपलं अध्यापनाचे कार्य सुरू ठेवलं.

      "माझे विद्यार्थी सुदृढ विद्यार्थी " हा उपक्रम वर्गात व शाळेत राबवला. डायट वेळापूर कडून या उपक्रमाला जिल्ह्यातून द्वितीय क्रमांक प्राप्त झाला . "जागतिक एड्स " दिनानिमित्त जागृती पर पथनाट्याद्वारे जनजागृती केली .प्लास्टिक मुक्ती अभियानात पर्यावरण वाचवू प्लास्टिक टाळू यावर पथनाट्या द्वारे जनजागृती केली. 'उपक्रमाचे 365 दिवस' या पुस्तकांमध्ये या पर्यावरणपूरक उपक्रमाची दखल घेण्यात आली .तसेच मतदान जनजागृती रॅलीमध्ये सक्रिय सहभाग घेतला . 

     माझी वसुंधरा अभियानात सक्रिय सहभाग घेतला. व्यक्तिमत्व विकास स्पर्धेत विद्यार्थ्यांची जिल्हास्तरीय निवड झाली आहे.दरवर्षी 26 जानेवारीला तहसील कार्यालय मोहोळ तर्फे घेण्यात येणाऱ्या सांस्कृतिक कार्यक्रमात विद्यार्थी सलग पाच वर्ष पहिल्या तीन मधील बक्षिसांचे मानकरी ठरले आहेत .विद्यार्थी हेच " माझे दैवत आणि काम हिच पूजा " या तत्त्वावर काम करत शिक्षकी पेशावर सदैव अभिमान बाळगत असल्याचे ते सांगतात .

     कोरोना काळात प्रत्यक्ष-अप्रत्यक्षरीत्या पारावरची शाळा , झाडाखालील शाळा , ऑनलाईन शाळा भरवत त्यांनी विद्यार्थ्यांच्या शिक्षणात खंड पडू दिला नाही .तसेच कोरोनाविषयक जनजागृती व्हावी म्हणून " माझे कुटुंब माझी जबाबदारी " या विषयावर शॉर्ट फिल्म निर्मिती केली .'कृतीतून आनंद पद्धतीने शिक्षण' या उपक्रमाला सर फाउंडेशनचा राष्ट्रीय इनोवेशन अवॉर्ड मिळाला आहे .

          आयसीटीसी इंट्रोडक्शन टू कॉम्पिटिशनल थिंकिंग या उपक्रमांतर्गत त्यांनी आपले प्रकल्प उत्कृष्टरित्या सादर केले बद्दल शाळेला स्मार्ट टीव्ही बक्षीस मिळाला आहे.स्वतःचे यूट्यूब चैनल वरती शैक्षणिक व्हिडिओ, उपक्रमांचे व्हिडिओ त्या विद्यार्थ्यांसाठी प्रसारित करत असतात. विविध वर्तमानपत्रात प्रासंगिक सामाजिक व शैक्षणिक लेख लिहिण्याची त्यांना आवड आहे . बी एड . एम ए एज्युकेशन पर्यंत शिक्षण पूर्ण केले आहे.

त्यांच्या या शैक्षणिक कार्याबद्दल आजपर्यंत त्यांना

मोहोळ तालुका पंचायत समितीतर्फे आदर्श शिक्षिका पुरस्कार

सर फाउंडेशन राष्ट्रीय इनोवेशन अवॉर्ड .

जिल्हा परिषद अल्पसंख्यांक अधिकारी व कर्मचारी संघटना महाराष्ट्र यांच्यातर्फे अल्पसंख्यांक गुणवंत कर्मचारी पुरस्कार 

मोहोळ नगरपरिषद मोहोळ 'माझी वसुंधरा 'अभियान व्हिडिओ ग्राफी अवॉर्ड

महाराष्ट्र सिने कला गौरव तर्फे उत्कृष्ट शिक्षिका पुरस्कार विविध पुरस्काराने सन्मानित करण्यात आले आहे