42.विद्यार्थ्यांच्या गुणवत्तेसोबतच आपल्या शिक्षणाची उंची वाढवणारे चंद्रमौळीचे खंदारे गुरुजी

 

        प्राथमिक शिक्षकांच्या अंगावर अध्यापनासोबतच शेकडो अशैक्षणिक कामं, शासनाचे दररोज नवनवीन उपक्रम, सुरू असलेली विविध अभियानं, जिल्हा परिषदेच्या शाळेलगतच खाजगी आणि इंग्रजी माध्यमांच्या उभ्या असलेल्या गाड्या, अशा सगळ्या अडचणीवर मात करत विद्यार्थ्यांच्या प्रगती सोबतच स्वतःचा शैक्षणिक आलेख एम.ए.एम.एड. सेट नेट, पीएचडी, पर्यंत वाढवत सलग तीन वर्षे शाळेच्या प्रवेशद्वारावर विद्यार्थ्यांच्या प्रवेश बंद चा हाउसफुल बोर्ड लावणारे शिक्षक सत्यवान खंदारे गुरुजी.मोहोळ तालुक्यातल्या चंद्रमौळीच्या जिल्हा परिषदेच्या शाळेत काम करतात.

       शर्यत पाढे पाठांतराची या स्पर्धेतून इयत्ता दुसरीच्या विद्यार्थ्यांचे 30 पर्यंत पाढे पाठ आहेत.

  सुंदर हस्ताक्षर, चित्र रेखाटण, बाल सभा वक्तृत्व स्पर्धां इत्यादींचे आयोजन केले जाते व त्यांचा गुण गौरव केला जातो शिस्त, संस्कार आणि विद्यार्थी घडवणारी शाळा असा पालकांचा दृढ विश्वास झाला आहे .यामुळे शाळेचा पट वाढत आहे.

         खंदारे गुरुजींची हसत खेळत परंतु शिस्तबध्द अध्यापनाची वेगळी पद्धत मुलांना गोडी लावते .कला, क्रीडा, संगीत व स्पर्धा परीक्षा या सर्वच क्षेत्रात शाळेचे विद्यार्थी चमकत राहावेत यासाठी खंदारे यांचे प्रयत्न सतत सुरू असतात. तसेच त्यांचा सर्व पालकांशी स्नेहाचा व आपुलकीचा संबंध असल्यामुळं विविध शालेय उपक्रमात पालकांचा सक्रिय सहभाग वाढत आहे .त्याबरोबरच शाळेची पटसंख्या ही वाढत आहे. शिक्षण विभागाकडून राबविली जाणारी विविध अभियानं, विविध उपक्रम अतिशय तळमळीनं विद्यार्थ्यांपर्यंत पोहोचवण्यासाठी त्यांची धडपड सुरू असते . वृक्षारोपण सारख्या सामाजिक उपक्रमात सहभाग घेवून जनजागृती करतात. आणि मतदार जागृती रॅली,तंबाखुमुक्त शाळा व परिसर, नवभारत साक्षरता अभियान यासारख्या राष्ट्रीय उपक्रमात भाग घेवून प्रबोधन ही करतात. लोकवर्गणीतून आणि स्वखर्चातून शाळा रंगकाम ,वृक्षारोपण,यासारखी कामे त्यांनी केली आहेत.

           नोकरीच्या आरंभीच्या काळात सलग अकरा वर्ष पोखरापूर सारख्या ग्रामीण भागात इयत्ता 5वी ते 7वी साठी सेमी इंग्रजी चे वर्ग सुरू केल्यामुळे त्यावेळचे अनेक विद्यार्थी आज मेडिकल ,पॅरामेडिकल ,इंजिनिअरिंग क्षेत्रात स्वतःचे करिअर करत आहेत. शिक्षणविभागा मार्फत राबवल्या जाणाऱ्या कथाकथन ,वक्तृत्व,

बालनाट्य, लोकनृत्य व क्रीडा स्पर्धा यामध्ये विद्यार्थ्यांना त्यांनी मार्गदर्शन केल्यामुळे केंद्र, तालुका व जिल्हास्तरावर त्यांच्या विद्यार्थ्यांना यश मिळवता आले .शिक्षक स्वतः अपडेट असेल तरच विद्यार्थी अपडेट राहू शकतात यामुळे विविध कोर्स ते स्वतः आवडीने शिकतात आणि नवीन ज्ञान विद्यार्थ्यांपर्यंत पोहोचवतात.. विद्यार्थ्याना खाजगी स्पर्धा परीक्षांच्या मार्गदर्शना बरोबर विविध खुल्यास्वरुपाच्या चित्रकला, रंगभरण,वक्तृत्व स्पर्धामध्ये विद्यार्थ्याना भाग घेण्यास प्रेरित करतात . मोहोळ तहसील कार्यालय आयोजित खुल्या सांस्कृतिक स्पर्धेमध्ये लेझीम नृत्याचा सलग दोन वर्ष प्रथम क्रमांक त्यांच्या विद्यार्थ्यांनी पटकावला आहे..

       शाळेत विद्यार्थ्यांचे लेझिम पथक, झांज पथक , संचलन पथक ही तयार आहे . शाळास्तरावर योगासने , आनंददायी बालगीते, कृतियुक्त गिते,एरोबिक्स - संगीत व्यायाम प्रकार आदींचे नियोजन त्यांच्याकडून केले जाते . स्वतः विविध विषयांवर व्हिडिओ निर्मिती करून मुलांसाठीचा अवघड घटक सोपा करतात.

       .त्यांना आजपर्यंत मिळालेले पुरस्कार

मोहोळ तालुका आदर्श शिक्षक पुरस्कार 2023, ट्रॉफी शोरुम सोलापूर चा कलारंग पुरस्कार, गुणिजन शिक्षक गुरुगौरव राज्यस्तर पुरस्कार, अजंठा आर्ट अकॅडमी चा कलाशिक्षक पुरस्कार.