केवळ घेतलेल्या शिक्षणावरच आणि मिळालेल्या नोकरीवरच समाधान न मानता चूल ,मूल ,सासर आणि माहेर यासोबतच सर्व नातेसंबंध जपत शाळेतील विद्यार्थ्यांकडं दुर्लक्ष न होऊ देता आपलं पीएचडी पर्यंतचं शिक्षण पूर्ण करणं हे नक्कीच महिलांसाठी तरी सोपं नाही.
इंग्रजी सारख्या विषयात डॉक्टरेट व सिनियर कॉलेजला लेक्चरर होण्या साठी लागणारी सेट परीक्षा क्वालिफाय असणाऱ्या उत्तर सोलापूर तालुक्यातील मार्डी येथील श्रीमती माधुरी भोसले या विज्ञान विषय शिक्षिका म्हणून कार्यरत आहेत.
भोसले मॅडम या उत्तम कवयित्री, लेखिका, अनुवादक व सूत्रसंचालक म्हणूनही सुपरिचित आहेत. कला, साहित्य व सांस्कृतिक क्षेत्रातही त्यांना आवड आहे, नुकत्याच पार पडलेल्या सोलापूर जिल्हा परिषद अधिकारी, कर्मचारी क्रीडा व सांस्कृतिक कार्यक्रमात नियोजन समिती मधील त्यांचं सक्रिय योगदान सर्वपरिचित आहे.
ग्रामीण भागातील विद्यार्थ्यांचा सर्वांगीण विकास हे ध्येय डोळ्यासमोर ठेवून शिक्षक म्हणून सामाजिक बांधिलकी जपत सातत्यानं त्या नवनवीन उपक्रम राबवित असतात. नवोदय ,शिष्यवृत्ती यासारख्या स्पर्धा परीक्षांमध्ये त्यांचे अनेक विद्यार्थी शिष्यवृत्तीधारक व नवोदय विद्यालयासाठी पात्र ठरले आहेत.
व्हर्चुअल फील्ड ट्रिप, ई लर्निंग चा अध्यापनात वापर, शैक्षणिक साहित्य निर्मिती, वृक्षारोपण, स्नेहसंमेलने, शालेय क्रीडा स्पर्धा यासारखे उपक्रम शालेय स्तरावर राबवून विद्यार्थी व्यक्तिमत्व विकास त्या साधत असतात.
त्यांनी शाळेला बालाजी अमाईन्स, प्रीसिजन यासारख्या कंपन्यांच्या सी एस आर फंडातून, अथवा लोकसहभागातून निधी उपलब्ध करून शाळेला भौतिक सुविधा मिळवण्याचा प्रयत्न केला आहे. मार्डी शाळेत त्यांनी जवळपास चार ते पाच लाखाचा निधी लोकसहभागातून प्राप्त करून गावकऱ्यांच्या व शिक्षकांच्या मदतीनं शालेय परिसरात बदल घडवून आणला आहे. आंतरशालेय वक्तृत्व स्पर्धेसाठी त्यांनी मान्यवर परीक्षकांसोबत परीक्षणाचं काम केलं आहे. मासिक पाळी सारख्या विषयावरही त्या किशोरवयीन मुलींना प्रबोधन करतात. विद्यार्थी संगणक साक्षर व्हावेतयासाठी त्या प्रयत्नशील असतात. कोविड-19 च्या काळात सोलापूर जिल्हा परिषद ने सुरु केलेल्या युट्युब चॅनल साठी व्हिडिओ निर्मितीमध्ये त्यांचं मोठं योगदान होतं. त्यासाठी त्यांना जिल्हा परिषदनं कोविडवाॅरीयर म्हणून सन्मानित केलं होतं.
विद्यार्थ्यांमध्ये सॉफ्ट स्किल्स वाढवण्यासाठी त्या सतत प्रयत्नशील असतात. क्रिएटिव्ह थिंकिंग साठी त्यांनी विद्यार्थ्यांकरता काव्यलेखन शिबीर आयोजित केलं .यामधूनच विद्यार्थ्यांमध्ये काव्य लेखनाची आवड निर्माण झाली. लेट्स स्पीक इंग्लिश उपक्रमामुळं विद्यार्थ्यांची इंग्रजी भाषेबद्दलची भीती दूर होऊन त्यांच्यामध्ये आत्मविश्वास निर्माण झाला. त्यांचे अनेक विद्यार्थी देशातील नामांकित संस्थांमध्ये व परदेशातही उच्च शिक्षण घेऊन उच्चविद्याविभूषित झाले आहेत. जेव्हा हे विद्यार्थी
मॅडम यु आर द बेस्ट टीचर असं त्यांच्या तोंडून जेव्हा ऐकायला मिळतं. तो क्षण त्यांच्या आयुष्यातील परमोच्च आनंदाचा क्षण असतो. कुठल्याही पुरस्कारापेक्षा श्रेष्ठ पुरस्कार मिळाला असं त्यावेळी त्यांना वाटतं.
विद्यार्थ्यांना अध्ययनाला प्रवृत्त करत करत राज्यस्तरावर, जिल्हा स्तरावर त्यां रिसोर्स पर्सन म्हणून उत्तम कामगिरी करतात. जिल्हास्तरावर शिष्यवृत्ती मार्गदर्शक म्हणून ही त्यांचं योगदान आहे.
इंग्लिश लँग्वेज इन्हान्समेंट प्रोग्रॅम साठी महाराष्ट्र शासन, टाटा ट्रस्ट आणि ब्रिटिश कौन्सिल कडून राबवल्या गेलेल्या तेजस प्रोजेक्ट साठी सतत तीन वर्ष कोऑर्डीनेटर म्हणून काम केलं. ग्रामीण भागातील विद्यार्थ्यांसोबत शिक्षकांनाही प्रशिक्षण देऊन इंग्रजी भाषेबद्दल असणारी भीती दूर करून त्यांच्यामध्ये आत्मविश्वास निर्माण केला.
या प्रोजेक्टच्या एंड अप प्रोग्रॅम करिता तत्कालीन शिक्षण मंत्री वर्षा गायकवाड मॅडम यांच्यासमोर प्रेझेंटेशन साठी महाराष्ट्रातून निवडलेल्या पाच कोऑर्डिनेटर मध्ये त्यांचाही समावेश होता. रिजनल अकॅडमी औरंगाबाद(RAA) यांनी राबवलेल्या स्पोकन इंग्लिश प्रोग्रॅम करिता ट्रेनर म्हणूनही त्यांनी जवळपास शंभरहून अधिक शिक्षकांना प्रशिक्षण दिले आहे. त्यांच्या इंग्रजी विषयातील योगदानाबद्दल त्या राज्यस्तरावर द बेस्ट इंग्लिश टीचर म्हणून परिचित आहेत. इंग्लिश लँग्वेज ऑनलाइन वेबिनारसाठीही त्यांनी होस्ट म्हणून उत्कृष्ट अँकरिंग केलं आहे .
त्यांचे राष्ट्रीय व आंतरराष्ट्रीय जर्नल मध्ये इंग्रजी विषयातील अनेक शोधनिबंध प्रकाशित झाले आहेत. नॅशनल व इंटरनॅशनल कॉन्फरन्सस मध्येही पेपर प्रेझेंटेशन साठी त्यांची निवड झाली आहे. त्यांचे कल्चर व आयडेंटिटी हे पुस्तक प्रसिद्ध झाले आहे.
विविध वर्तमानपत्रातून त्यांच्या कथा, कविता तसेच मोटिवेशनल लेख विशेष करून युवा वर्गासाठी प्रकाशित होत असतात.
इयत्ता बारावीच्या विद्यार्थ्यांनाही व्याख्यानातून त्या इंग्रजी विषयाबाबत मार्गदर्शन करतात. त्या महाराष्ट्र साहित्य परिषद शाखा जुळे सोलापूरच्या कार्यकारणी सदस्य ही आहेत
ज्या ज्या ठिकाणी मॅडमची सेवा झाली त्या त्या गावातील त्यांचा विद्यार्थी वर्ग मोठ्या प्रमाणात त्यांच्याशी जोडला जातो. एक विद्यार्थी प्रिय शिक्षिका म्हणून त्यांचा नावलौकिक आहे.
राज्यातील उच्चविद्याविभूषित शिक्षकांना प्रशासनात सहभागी करून घ्यावं असं त्यांना वाटलं . त्यांच्या या कार्याची दखल घेत त्यांना विविध राज्यस्तरीय व जिल्हास्तरीय पुरस्कारानं सन्मानित करण्यात आलं आहे. यामध्ये
डॉ. पंजाबराव देशमुख राष्ट्रीय शिक्षक परिषदेचा राज्यस्तरीय हिरकणी पुरस्कार
अपूर्वा अभिमीत ज्ञानपीठ राज्यस्तरीय पुरस्कार
सोलापूर जिल्हा परिषदेचा शिष्यवृत्ती मार्गदर्शक पुरस्कार
सर फाउंडेशन चा जिल्हास्तरीय नारीशक्ती पुरस्कार
छत्रपती परिवार मरवडेंचा कृतीनिष्ठ शिक्षक पुरस्कार
पंचायत समिती उत्तर सोलापूरचा आदर्श शिक्षक पुरस्कार. अशा विविध पुरस्कारांचा समावेश आहे.
No comments:
Post a Comment